કેન્દ્રીય ભારે ઉદ્યોગ મંત્રાલયે 24 ઓગસ્ટ, 2024 ના રોજ જારી કરાયેલ મશીનરી અને ઇલેક્ટ્રિકલ ઇક્વિપમેન્ટની સલામતી માટે ગુણવત્તાના ધોરણો સંબંધિત તેના આદેશને રદ કરી દીધો છે.
વધુમાં, આયાતી કાપડ મશીનરી પર કોઈ ગુણવત્તા નિયંત્રણ ધોરણો રહેશે નહીં.
ઘણા કાપડ એકમો વિવિંગ અને પ્રોસેસિંગ મશીનરી આયાત કરે છે અને કાપડ ઉદ્યોગ મશીનરી પર ગુણવત્તાના ધોરણો પરના આદેશને પાછો ખેંચવાની માંગ કરી રહ્યો હતો. જો કે આ આદેશ 2024 માં રજૂ કરવામાં આવ્યો હતો, પરંતુ સરકારે તેનો અમલ મોકૂફ રાખ્યો હતો.
હવે સરકારે તમામ મશીનરી પરના ક્વોલિટી કંટ્રોલ ઓર્ડરને હટાવી દીધો છે અને ટેક્સટાઇલ ઉદ્યોગ તેની જરૂરિયાત મુજબ સારી ગુણવત્તાની મશીનરી આયાત કરી શકશે તેમ ટેક્સટાઇલ સેક્ટરના સૂત્રોએ જણાવ્યું હતું.
